Elemental Sound Journey // Ferðalag Frumkraftanna • RVK • ICELAND

Ferðalag Frumkraftanna // Elemental Sound Journey

með Jósu Goodlife og Olgu Hörn

Laugardaginn 2.Sept kl. 14-16  - Eden Yoga RVK

Hljómviðburður með Jósu Goodlife og Olgu Hörn, þar sem við munum bjóða upp á hjartatengjandi ferðalag í gegnum frumkraftana.

Tvær klukkustundir með nærandi samveru þar sem sameiginlegur ásetningur okkar er að vinna með óskir okkar og það sem við viljum sleppa.

Frumkrafta vinna er sérstakt ferli sem getur hjálpað okkur að tengjast jörðinni ásamt eigin líkama og sjálfi á afar sérstakan hátt. Vatnið, eldurinn, loftið, jörðin og ether er allt í kring um okkur - hið ytra, sem hið innra. Er við gefum okkur tíma til að tengjast þessum frumkröftum þá opnast okkur ný vídd sem getur verið afar nærandi og örvandi á allt okkar innsæi. Dásamlega leið til að losa um spennu og styrkja taugakerfið fyrir komandi vetur.

Viðburðurinn fer fram í Eden Yoga, dásamlegum Yoga sal sem heldur afar vel utan um ferlið.

Við munum byrja með léttu spjalli um frumkraftana og drekka saman gott styrkjandi te. Ykkur er boðið að skrifa niður ásetning ykkar og óskir. Gong og Nidra slökun stillir okkur inní núið og þaðan mun Jósa leiða tónheilunar ferðalag í gegnum frumkraftana. Létt snerting er í boði Olgu, en það má líka velja að vera án. Í lokin verður tími til að íhuga í hljóði eða skrifa niður upplifanir.

Okkar ásetningur með þessari vinnu er að þið farið heim uppfyllt af nýrri styrkjandi orku, eftir að hafa losað út það sem eftir má liggja…

Lífið er svo dýrmæt gjöf og okkur er ætlað að lifa því vel og fallega. Tónheilun, snerting, samvera og íhugun er dásamleg leið til að finna betur fyrir tilgangi lífsins og næra líkama og sál.

Jósa Goodlife er andlegur leiðbeinandi, búsett í Kaliforníu.

Listakona, Yoga kennari og heilari sem elskar að ferðast með lífinu og gefa ljós til allra sem verða á vegi hennar. Sjá má meira um hennar vinnu á IG: goodlifecreation og á vefsíðu hennar www.goodlifecreation.com

Olga Hörn Fenger vinnur með nudd, gufu- og með vatnsmeðferðir á Reykjavíkursvæðinu. Hún er einstök á sínu sviði og hefur góða innsýn inní hvað hver og einn þarf í gegnum hendurnar hennar næmu. Olga mun einnig vinna með gongið sitt á þessum viðburði.

Verð: 8.000 iskr. // $60 fyrir stakan miða

eða 15.000iskr fyrir 2 miða